“Rusiya xarici işlər nazirinin müavini Mixail Boqdanov İraqın Moskvadakı səfiri Haydar Mansur Hadi ilə İraq və Suriyadakı vəziyyətə vurğu edərək Yaxın Şərqdəki vəziyyəti müzakirə etdi.
Bu barədə Rusiya Xarici İşlər Nazirlyinin mətbuat xidmətindən məlumat verildi.
“Söhbət əsnasında, İraq və Suriyadakı vəziyyətə, o cümlədən beynəlxalq birliyin terror təhlükəsinin qalan mərkəzlərini aradan qaldırmaq üçün göstərdiyi səylərə işarə edərək Yaxın Şərq gündəliyinin əsas aspektləri ətrafında geniş fikir mübadiləsi aparıldı.” – Rusiya Xarici İşlər Nazirliyindən verilən məlumatda deyilir.
Nazirlikdən verilən məlumata əsasən, görüş zamanı Rusiya-İraq əlaqələrinin daha da möhkəmləndirilməsinin aktual məsələlərinə xüsusi diqqət yetirildi.
