Rusiya Federasiyasının Enerji naziri Aleksandr Novak, baş nazir Dmitri Medvedev göstərişi ilə, neftin keyfiyyətinin korlanmasını yoxlamaq üçün komissiya yaratdı.
Bu barədə Enerji Nazirliyindən jurnalistlərə məlumat verildi.
“Rusiya Federasiyasının Baş naziri Dmitri Medvedevin tapşırığı ilə Enerji naziri Aleksandr Novakın əmri ilə, əsas neft boru kəməri olan “Drujba” vasitəsilə nəql edilən neftin keyfiyyətinin göstəricilərinin korlanmasını yoxlamaq məqsədilə bir komissiya yaradıldı” – məimatda deyilir.
Komissiyaya Enerji Nazirliyi, Sənaye və Ticarət Nazirliyi, Federal Antimonopoliya Xidməti, Rosnedr, Rostexnadzor, Rosstandart və Transneft şirkətləri daxil olmaqla federal dövlət qurumlarının başçıları və onların müavinləri daxildir.
