Arktik Şurasında strateji əməkdaşlıq planı barədə razılığa gəlmək üçün işlər gedir. Moskva belə bir sənədin faydalı olacağına inanır.
Bu barədə Arktikada beynəlxalq əməkdaşlıq üzrə Rusiya Federasiyası Xarici İşlər Nazirliyinin xüsusi səfiri Nikolay Korçunov məlumat verdi.
“Bu ehtimal hazırda Arktik Şurası çərçivəsində müzakirə edilir. Belə bir sənəd qəbul edilərsə, bu təşkilatın uzunmüddətli fəaliyyətini müəyyən edən ilk strateji sənəd olacaq” – Korçunov qeyd etdi.
Diplomatın sözlərinə görə, sənəddə əməkdaşlığın əsas istiqamətləri, o cümlədən bütün ölçülərdə – iqtisadi, sosial və ətraf mühitin qorunmasında davamlı inkişaf məsələləri üzrə də iş prinsipləri yaradılacaq.
